話說討論區有人問到這齣電影，於是簡單解釋了一次，現在抄下來。
問：
我想問ge係 錫安都係程式ge一部份?
到最後主角都係死左 咁到底改變左d乜野?
同埋母體個程式係咪人寫出黎? 整係知個咩kfc阿伯係母體之父 先知係母體之母
d人講到後者要搞革命 所以引領第六代ge neo去做以往唔同ge決擇
答：
簡單講一次啦
錫安係程式一部份，你睇到嘅所有野都係程式嘅一部份
所有「人」都係程式
主程式係一個社會演變模式，由一個「母體」演變出來，各個「程式人」去演化一個社會
大部份「人」都係正常，模擬到有七情六慾，但當中有d「人」程式出錯，呢個時候agent就會出現。agent係一個除錯程式，負責將所有唔跟社會嘅程式消滅，包括知道呢個「人」知道自己只係「程式」，所以主角最初做野時無事，當發現自己世界唔真實時就開始俾人追殺
呢個「人」係會繁殖，變成一個社會，但當社會去到咁上下時，主程式就會reload再嚟過。呢一個重頭嚟過嘅reload就好似你去網吧，每次關機再開機都會reload「設定嘅程式」，上手打安裝過咩野、入過咩密碼都會無晒紀錄，之前已經reload咗5次。reload需要種子程式俾下下次世界繁殖用，即係第三集開始呀伯講嘅「選出幾個人生存」，加入去「設定嘅程式」
呀伯同先知都係主程式嘅一部份，呀伯所做嘅野就係要將世界引導去最後方向，即係睇住世界改變，最後叫主角選人。先知係管理者，睇住有咩事發生，同時收起部份程式，等主角「選擇下一代」時用。
一般agent殺程式，就一次過消滅，即係你按ctrl+del，永不翻身
先知收埋程式嘅地方即係錫安，可以話係matrix2.0，即係資源回收筒，當主程式想 reload時，都會順手洗埋資源回收筒嘅野，即係第二三集嘅入侵
故事其實係講第6次reload前「社會」變遷同主角運作，不過，當中出現兩大變數，一個就係主角有感情，對女主角發生愛情。第二個就係第一集尾，主角同 agent打時，agent打入主角體內，得到「人類」「繁殖」嘅程式碼
1.主角頭5次 reload都無愛情，所以佢係老伯面前選擇「選人出來reload」。今次對女主角有愛情，所以選擇出去救女主角。呢樣令呀伯「即係主程式嘅監視者」好有興趣。
2.agent係常駐嘅殺毒除錯程式，本身無繁殖功能。而家有繁殖功能，佢就結果殺毒功能，幫自己繁殖去統治程式嘅世界。即係話除咗程式「中毒」並感染其他正常程式。
點解agent打主角先會有轉變，殺其他人又無呢?因為主角與別不同，係key，reload嘅關鍵程式，有與別不同嘅能力
先知知道agent受感染，出事了，於是安排自己俾agent殺，埋伏係agent入面，搵出有咩問題
你可以諗到，殺毒程式中毒，主角又唔想reload，主程式都無符。主角想保留而家世界唔去reload，所以最後走去同主程式講數。由於agent同主角打嘅時候，agent同主角有接觸，係可以互相溝通源碼，於是主程式進入主角，而主角同agent打，故意打輸俾agent再進入主角。因於先知先進入去搵agent有咩問是，主程式一進入agent，主程式就可以搵到agent嘅碼有咩出錯，就可以幫佢debug，「世界」就可以照常運作，最後主程式係照同主角嘅約定，無reboot部機reload原始狀態
問：
即係根本無人類存在?所有人都係程式做出黎??
根據佢前傳所講
話係人類打輸比ai
由於呢班機械無陽光就活動唔到
所以人類用核彈遮蔽天空
點知機械利用人類作電池使用
為左不斷繁殖人類使有不斷的電池提供
所以創造左個母體比呢班人類
隱瞞同控制佢地
如果好似你所講咁
其實個故事想帶出d咩意義
答：
呢個講法有個致命缺點
就係地底一定係現實
但有兩點見到唔係咁
第一，第二集結尾主角可以係地底用「超能力」
第二，第三集頭主角否定咗「救世主」講法，你呢個講法係地底流傳嘅講法
前傳有咁講?唔知道
只知道前傳講咗一個「日本」故事，話說有一次程式出錯，日本一間學校時空無限loop學生發現咗咁嘅漏洞，覺得好好玩，於是玩落去，但呢個漏洞俾主程式發現咗再修復，於是無咗呢樣野
有個學生發覺呢一點好奇怪，佢就去查，點知佢呢個行為其實係「發現世界唔真實」，主程式係唔容許咁嘅事，於是agent追殺佢，地底班「人」收到指示，就去搵呢個學生，話俾佢知咩事，同埋俾佢揀：一係死，一係就食藥去「地底」最後呢個學生食咗藥，佢亦即係第三集操作機械人開門嘅後生仔
所有人都係程式
呢個只係一次程式演變中偶發事件
第五次reload之後嘅偶然變化
意義?愛可以改變一切、真正愛人愛世界係唔會拋棄對方
同埋話你知電腦除錯程式都中毒嘅話，係好危險的
問：
表達愛呢樣野
竟然要用到咁複雜ge概念...最後係改變左matrix唔洗reload
所有人可以繼續生存
有冇話選擇繼續生活係母體 or 返現實
答：
返現實?佢地只係主程式設計場境之下嘅子程式
作用就係繁殖同建造世界
俾主程式觀察
即係等於你 the sims入面小人物自以為自由生活，實際只係跟程式生活無人係真係，所以無所謂現實
最後係公園內，見到第三集車站嘅小朋友
佢個程式就係幻化彩虹
呀伯同先知話，呢個係主角被呢個「世界」嘅禮物，即係唔使俾人reload，繼續演變落去
呀，仲有一班知道呢個「現實有問題」而自救嘅程式
佢地組成一個地下組織
就係第三集見到嘅黑幫同埋火車司機個班人
由於佢地怕agent，而agent可以扮其他人埋身殺佢地
所以一直武裝兼唔信人
問：
作用就係繁殖同建造世界俾主程式觀察<---唔係好明
咁即係有咩用
同埋呢班人ge bug點解會令到母體有機會毀滅
最後
點解母體又可以唔洗reboot
無左以前d bug 可以繼續run落去
答：
作用就係繁殖同建造世界俾主程式觀察<---
佢地所存在嘅世界，其實係一個電腦程式，主程式建構呢個世界之後，搵幾個人開始發展，去觀察下「人類發展」嘅故事。而d所謂嘅「人」，其實係一班有繁殖能力嘅「模擬人類程式」，所以呢班人好似sims咁，生活就係為咗俾呢個「世界」發展落去，俾設計程式嘅「主程式」觀察。
但繁殖中間會出現好多問題，到問題多到某個地步，主程式就會要「主角」選擇幾個人保留，然後reload最初場景，放呢個幾人去再玩過。叫主角選人而唔係主程式自己選人，其實都係一個觀察過程
同埋呢班人ge bug點解會令到母體有機會毀滅<---
問題係：除錯程式agent受感染，而就算reload，呢個程式都可能會一直受感染，所以要幫agent debug先
最後
點解母體又可以唔洗reboot
無左以前d bug 可以繼續run落去<---
其實上面講過了
主程式要解決呢個bug，要搵人去搵到問題所在，於是先知首先引agent「食」咗佢，「同化」咗先後搵出問題所在。但同化咗之後點話俾主程式知呢?
第二步就係主角同主程式連接，即係第三集最後主程式插支野去主角度，再返去已經全部受感染嘅世界，搵agent打過
agent最後打一拳落主角度，諗住可以連接並同化，點知一連接就同主程式連接咗，同時就將先知辨別到嘅bug輸出話俾主程式知，咁一對比之下，就知到要刪咗咩碼了。
所以主角係度係做一個連接用嘅程式，預咗俾agent打中
由於主角搵主程式，話要聯手debug時，提出要求話要保留呢個世界，所以最後無殺到所有人，回復原狀
